Blue Flower

Соёлын Төв Өргөөний барилгыг анх Шинжлэх ухаан, техник, соёлын ордон нэртэйгээр Зөвлөлтийн ард түмэн барьж, 1988 оны 12 дугаар сарын 29-ний өдөр Монголчуудад бэлэглэсэн бөгөөд ашиглалтанд орсон цагаас хойш өнөөг хүртэл тасралтгүй үйл ажиллагаа явуулсаар ирсэн Соёлын томоохон цогцолбор юм.

Нийт 15000 ам. дөр. метр талбайтай. Цогцолбор нь 1325, 280, 150 хүний суудалтай хурал, концерт, кино, лекцийн танхим, номын сан, музей, үзэсгэлэнгийн танхим, 12давхар захиргааны барилга зэргээс бүрддэг.

Уг цогцолборт Монгол Улсын Шинжлэх Ухааны Академи, Монголын Урлагийн Ажилтны Холбоо, Соёл урлагийн хороо,Хүүхдийн номын ордон, Сөүлийн соёл мэдээллийн төв, Уран зургийн галерей, Соёлын өвийн төв, Театрын музей, Нийслэлийн Соёл Урлагийн Газар, Улсын филармони, Морин хуурын чуулга, “Баянмонгол” чуулга, “Соёл-Эрдэнэ” хамтлаг, Хошин урлагийн “Х-түц”хамтлаг,“Хувьсал” продакшн зэрэг шинжлэх ухаан, соёл урлагийн салбарын төрийн ба төрийн бус олон нийтийн байгууллага, хувийн хэвшлийн 100 гаруй аж ахуйн нэгж төвлөрч үйл ажиллагаагаа явуулж байна.

Тус ордонд жилд ойролцоогоор 300 орчимнийтийг хамарсан урлаг соёлын олон талт арга хэмжээ зохиогдож, давхардсан тоогоор 350-400гаруй мянган үзэгчдэд хүрч үйлчилдэг.

Соёлын Төв Өргөөний үндсэн бүрэлдэхүүн нь өнөөгийн байдлаар 80 гаруй ажиллагсадтай,

• Санхүүжилт менежментийн алба

• Уран бүтээл, техникийн алба

• Инженер техникийн алба

• Маркетинг үйлчилгээний алба

• “Соёл-Эрдэнэ” хамтлаг гэсэн 5 үндсэн албатайгаар үйл ажиллагаагаа явуулж байна.

Эрхэм зорилго:

СТӨ-ний эрхэм зорилго нь үзэгч үйлчлүүлэгчдэд соёлтой шуурхай үйлчлэхэд чиглэсэн бодлого явуулж,үзвэр үйлчилгээний цар хүрээг өргөжүүлэн, нийслэлийн өмчийн байрны ашиглалт, засвар үйлчилгээг хариуцаж, барилга байгууламж, эд хөрөнгийг холбогдох хууль тогтоомжийн дагуу аж ахуйн нэгж байгууллага, иргэдэд түрээслүүлэх болон аж ахуйн бусад үйл ажиллагаа явуулахад оршино.