Blue Flower

Манай вэб сайтад зочилж байгаа Та бүхэндээ мэндчилгээ дэвшүүлж байна. Соёлын Төв Өргөө нь анх байгуулагдсан 1987 оноос  өнөөг хүртэл Монгол орны өнцөг булан бүрд соёлын үрийг тарьж, ард түмнийхээ оюун сэтгэхүйн орон зайд баттай үлдэх их үйлсийг бүтээж нийслэлийн хүн амд үзүүлэх үйлчилгээний нэр төрлийг олшруулах,хүртээмжийг нэмэгдүүлэх,соёл урлагийн гадаад харилцаа, хамтын ажиллагааг өргөжүүлэн, нийслэлийн өмчийн байрны ашиглалт, засвар үйлчилгээг хариуцан ажиллаж байна.

Өргөө нь мэргэжлийн бүх урлагийн байгууллагуудаас орчин үеийн шаардлагад нийцсэн номер нэг тайз декорацитай болж төрийн томоохон хүндэтгэлийн, баяр наадмын концерт, олон улсын хэмжээний хурал, зөвлөгөөн,  гадаад орнуудын соёлын өдрүүд, нийслэлийн өдрийн концерт, ардын урлагийн их наадам, мэргэжлийн урлагийн байгууллагуудын болон хөдөө орон нутгийн театр чуулгын соёлын өдрүүд, тэмдэглэлт ойн арга хэмжээ, уран бүтээлчдийн тайлан тоглолт зэрэг нь байнга зохион байгуулагддаг.

Зочид, үзэгчид та бүхэн манай өргөөнд саатан морилно уу.

Захирал Б.Байгалмаа МУУГЗ

 

 

 

 

Үг. Н. Баянмөнx, Xөгжмийг Т. Сэр-Од

Ургах нарны цацрагтай уралдан бид өрхөө татна

Уул тал говь хангайд мэндийн хадгаа дэлгэнэ

Хил хязгаар үгүй сэтгэлийн орон зайд бид тэмүүлнэ

Хир буртаг үгүй андын нөхөрлөлөөр нэгэн өргөөнд бид цугларна

 Догдлон ирээд дуулан буцдаг гэгээн өргөө минь

 Уйтгар үгүй сэтгэлийн жаргалтай өвийн өргөө минь

 Хүслийн хязгаарт аз жаргалын дуутай мөрөөдлийн энэ л өргөө

Хүний орчлонд хөх Монголыг тамгалсан нарны алтан өргөө

Нандин итгэлийн халуун сэтгэлээр үүдэн дээрээ угтана

Нар сар, одон мичдэд аялгуут дуугаа хүргэнэ

Гар барилцсан гэгээн хүслээр дэлхийд мөрөө үлдээнэ

Гал халуун андын журмаар саруул өргөөнд бид цугларна

Догдлон ирээд дуулан буцдаг гэгээн өргөө минь

 Уйтгар үгүй сэтгэлийн жаргалтай өвийн өргөө минь

 Хүслийн хязгаарт аз жаргалын дуутай мөрөөдлийн энэ л өргөө

Хүний орчлонд хөх Монголыг тамгалсан нарны алтан өргөө