Тохижилт үйлчилгээний компани, ОНӨААТҮГ-н ажилчид, албан хаагч, та бүхэндээ тохижилт, үйлчилгээний ажилтны өдөр.
Тохижилт үйлчилгээний компани, ОНӨААТҮГ-н ажилчид, албан хаагч, та бүхэндээ тохижилт, үйлчилгээний ажилтны өдрийн мэнд хүргэе. Баяртай гунигтай, цастай бороотой ямар ч үeд хамгийн их ажилтай, тухайн арга хэмжээ ая тухтай болох нөхцөлийг бүрдүүлдэг хүмүүс та нар билээ. Хот нийтийн аж ахуйн салбарт ажиллаж буй 100 ажилтан албан хаагчдын хүүхдийг ХБНГУ-д суралцуулахаар сургалтанд хамруулж байна. Тухайн гэр бүлд хийж болох хамгийн том хөрөнгө оруулалт бол үр хүүхдийнх нь боловсрол юм. 2020 оноос өмнө зам цэвэрлэгээний ажилд Нийслэлийн хэмжээнд 48 машин техник ажиллаж байсан бол одоо 150 гаруй машин техник ажиллаж байна. Ингэснээр зам цэвэрлэгээний ажлын бүтээмж нэмэгдэх, цэвэрлэх хугацаа богиносох зэрэг нааштай үр дүнгүүд гарч байна. Цаашид хог тээвэр, зам цэвэрлэгээний ажлыг орчин үеийн техник тоног төхөөрөмжөөр хийж гүйцэтгэх, шөнийн цагийн хуваарьт шилжүүлэх, хог хаягдлыг ангилан ялгах чиглэлд анхаарч ажиллаж байна. Хог тээврийн машин техникүүд хуучирсан хүрэлцээ муу зэргээс шалтгаалан хог тээврийн ажилд доголдол гарч байгаа бөгөөд Нийслэлээс 2024 онд хог тээвэр болон зам цэвэрлэгээний машин техникийг төрийн болон хувийн аж ахуйн нэгжүүдэд түрээс болон хөнгөлттэй зээл зэрэгт хамруулж шийдвэрлэхээр ажиллаж байна.