Бүх нийтийн хаврын их цэвэрлэгээнд нэгдэж ажиллав

2022 оны 04 сарын 25

Өргөө нь Улаанбаатар хотын Ерөнхий менежерийн 2022 оны А/08 дугаар тушаалаар Нийслэлийн нутаг дэвсгэрт нийтийн их цэвэрлэгээний ажлыг зохион байгуулах хуваарь батлагдсаны дагуу 2022 оны 04-р сарын 23-ны өдрийн 10:00-18:00 цагийн хооронд “Бүх нийтийн хаврын их цэвэрлэгээ”-нд нэгдэж, гадна орчныхоо 50 метр хүртэлх зам, талбай, орчныхоо хог хаягдлыг цэвэрлэн, барилгын хана, туурга, үүд, цонх, хаяг, самбар, хар шал, шат, гадна талбайг угааж цэвэрлэн, цэвэр цэмцгэр орчныг бүрдүүлж ажиллалаа. Мөн барилгын дотор хэсгийн цонх, шил, хана, хаалга, төв хаалганы шилэн гоѐл, суурилагдсан гэрлийн бүрхүүлүүд, их танхимын сандал, хивсэнцэр, тайзны шал, үүдний хэсэг, ажиллагсадын үүдний шилэн хаалга зэргийг цэвэрлэж ажиллалаа. “Их хотоо эзний сэтгэлээр цэвэрлэе” уриан дор зохион байгуулагдсан бүх нийтийн хаврын их цэвэрлэгээний ажилд байгууллагын нийт ажиллагсад идэвхи зүтгэлтэй хамрагдлаа.