"Хүүхдийн хоол" үндэсний чуулган
Монгол Улс Алсын хараа- 2050 урт хугацааны хөгжлийн бодлогын баримт бичигтээ "Эрүүл чийрэг, эрдэм боловсролтой, эх оронч хөрвөх чадвартай, оюунлаг бүтээлч иргэнтэй улс болж хөгжинө гэсэн зорилго тавьсан.
Боловсролын сургалтын байгууллагад 1.2 сая орчим хүүхэд суралцаж байна. Тэднийг эрүүл, аюулгүй орчинд сурч боловсрох эрхийг хамгаалахад суурь асуудал болсон эрүүл мэнд, хоол шим тэжээлийн асуудлыг "Хүүхдийн хоол үндэсний чуулган"-аар хэлэлцэж байна.
Нэгдсэн Үндэсний байгууллагаас зарласан Тогтвортой хөгжлийн зорилгод:
-Өлсгөлөнг зогсоох -Эрүүл мэндийг дэмжих -Чанартай боловсролыг дэмжих гэсэн үндсэн 3 том зорилго бий.
Дэлхий нийтийн болон, манай улсын бодлогод тусгалаа олсон эдгээр зорилтыг хангахад оролцогч талуудын хамтын ажиллагаа чухал юм. Тиймээс боловсрол, эрүүл мэнд, хоол тэжээлийн талаар хэлэлцэж, хамтын шийдвэр гаргахаар "Хүүхдийн хоол" үндэсний чуулганыг өнөөдөр зохион байгуулж байна.Үндэсний чуулганд хот хөдөөгийн 1500 орчим төлөөлөгч оролцож боловсролын орчин дахь хүүхдийн хоол гэсэн сэдвийн хүрээнд зөвлөлдөв.
